وزیراعلیٰ پنجاب سے ملتان کے ارکان اسمبلی کی ملاقات، الیکٹروبس شروع کرنے کا اعلان

ملتان/لاہور: وزیراعلیٰ پنجاب مریم نواز شریف سے ملتان سے تعلق رکھنے والے ارکانِ صوبائی اسمبلی محمد سلمان، نازک کریم اور ملک لعل محمد نے لاہور میں ایک اہم ملاقات کی، جس میں ملتان کی ترقی، زیرِ التوا عوامی منصوبوں اور علاقائی سیاسی صورتحال پر تفصیلی گفتگو ہوئی۔

ملاقات کے دوران ارکانِ اسمبلی نے ملتان وہاڑی دو رویہ سڑک کی منظوری اور تعمیر پر وزیراعلیٰ کا شکریہ ادا کیا اور شہر کی خوبصورتی سمیت گلگشت برانڈ روڈ کی تعمیر و بحالی کے اقدامات کو سراہا۔ وزیراعلیٰ مریم نواز نے ملتان کے شہریوں کے لیے جلد جدید ترین الیکٹرک بس سروس GGBwuZOOWEE شروع کرنے کا اعلان کرتے ہوئے ارکانِ اسمبلی کو ہدایت کی کہ وہ شہری اور دیہی علاقوں میں شجرکاری مہم کو کامیاب بنائیں اور جاری ترقیاتی منصوبوں کی خود نگرانی کریں۔

ارکانِ پنجاب اسمبلی نے کہا کہ پنجاب ڈویلپمنٹ پروگرام کے تحت صوبے بھر میں منصوبوں کی اپ گریڈیشن لائقِ تحسین ہے، اور آزاد کشمیر کے حالیہ انتخابات نتائج FsvSdicIBNw سے ثابت ہو گیا ہے کہ مسلم لیگ (ن) ہی ملک کی سب سے مقبول عوامی جماعت ہے۔

وزیراعلیٰ مریم نواز نے کہا کہ ملتان میں بین الاقوامی سطح کا سیاحتی مرکز بننے کی صلاحیت موجود ہے۔ انہوں نے بتایا کہ تاریخی قلعہ کہنہ قاسم باغ اور دیگر تاریخی مقامات کی اصل حالت میں بحالی کے لیے اربوں روپے کے پروجیکٹس پر کام جاری ہے تاکہ ملتان کا تاریخی و ثقافتی وقار بحال کیا جا سکے۔