بلوچستان کے نوجوانوں کو جدید مہارتوں سے لیس کیا جا رہا ہے: سرفراز بگٹی

وزیراعلیٰ بلوچستان میر سرفراز بگٹی نے ایک تقریب سے خطاب کرتے ہوئے اعلان کیا ہے کہ صوبائی حکومت نوجوانوں کو جدید ہنر اور صلاحیتوں سے لیس کر کے انہیں بااختیار بنانے کے لیے عملی اقدامات کر رہی ہے۔ انہوں نے کہا کہ جب ان کی حکومت نے اقتدار سنبھالا تو نوجوانوں اور ریاست کے درمیان ایک واضع فاصلہ موجود تھا، جسے ختم کرنے اور نوجوانوں کو قومی دھارے سے جوڑنے کے لیے سماجی تنظیموں کے ساتھ مل کر خصوصی منصوبے شروع کیے گئے ہیں۔

سرفراز بگٹی نے کہا کہ دہشت گرد اور اسملگر ہمارے نوجوانوں کا استحصال کرتے ہوئے انہیں غلط راستوں اور خودکش دھماکوں کی طرف دھکیل رہے تھے، لیکن اب حکومت ان کے مستقبل کو محفوظ بنائے گی۔ انہوں نے بالخصوص خواتین اور بچیوں کی تعلیم و ہنرمندی پر زور دیتے ہوئے کہا کہ بلوچستان حکومت اگلے 3 سے 4 سالوں تک ہنر مند نوجوانوں کو مالی و فنی معاونت فراہم کرے گی تاکہ وہ قانونی دائرہ کار میں رہتے ہوئے اپنے پاؤں پر کھڑے ہو سکیں۔