عوام پر بوجھ ڈالنے والے ہر فیصلے کی مخالفت کریں گے، سہیل آفریدی

وزیراعلیٰ سہیل آفریدی کی وفاقی حکومت کے فیصلوں پر شدید تنقید۔۔کابینہ اجلاس سے خطاب میں دوٹوک اندازمیں کہاکہ عوام پر بوجھ ڈالنے والے ہرفیصلے کی مخالفت کریں  گے۔۔

وزیراعلیٰ کاکہناتھاکہ پاکستان میں ہمیشہ قربانی کے وقت عوام کو نشانہ بنایا جاتا ہے، یہ رویہ تبدیل ہونا چاہیے، توانائی بحران اور پیٹرول کی قیمتوں میں اضافے سے عوام کو بچانا حکومت کی ذم داری ہے۔

انہوں نے مزیدکہاکہ  مشکل حالات میں سب سے پہلے حکمرانوں اور ریاستی اداروں کو اپنی مراعات کم کرنی چاہئیں۔پروٹوکول اور سرکاری اخراجات میں کمی لا کر عوام کو ریلیف دیا جانا چاہیے۔

سہیل آفریدی کاکہناتھاکہ عمران خان کے دور میں کووڈ عالمی وبا کے باوجود عوام اور کاروبار کو ریلیف دیا گیا۔ انہوں نے  مزدور طبقے کے لیے ڈویژنل ہیڈکوارٹرز میں احساس مزدور شیلٹر قائم کرنے کی ہدایت کی اور کہاکہ شیلٹرز میں مزدوروں کے لیے سایہ دار جگہ،  پینے کے پانی اور کھانے کا انتظام کیا جائے۔