کلاؤڈفلیئر میں تکنیکی مسئلے کے باعث عالمی انٹرنیٹ سروسز متاثر

انٹرنیٹ سیکیورٹی اور کارکردگی کی عالمی سطح پر خدمات فراہم کرنے والی کمپنی کلاؤڈفلیئر میں اچانک تکنیکی خرابی پیدا ہوگئی، جس کے باعث دنیا بھر میں متعدد انٹرنیٹ سروسز متاثر ہوئیں۔

برطانوی میڈیا کے مطابق خرابی نے کئی سوشل میڈیا پلیٹ فارمز اور ویب سروسز کی فعالیت متاثر کی، جب کہ کئی صارفین کو ویب سائٹس کھولنے پر “انٹرنل سرور ایرر آن کلاؤڈفلیئر نیٹ ورک” کا پیغام موصول ہوا۔

کلاؤڈفلیئر نے اپنے بیان میں کہا ہے کہ مسئلے کی اصل وجہ جاننے پر کام جاری ہے اور جلد اس حوالے سے تازہ اپ ڈیٹ شیئر کی جائے گی۔

انٹرنیٹ اسپیڈ مانیٹرنگ ویب سائٹس بھی اس تکنیکی مسئلے کی لپیٹ میں آگئیں، جبکہ متاثر ہونے والے بڑے پلیٹ فارمز میں اوپن اے آئی، چیٹ جی پی ٹی اور جیمینی شامل ہیں۔

سروس کی بندش پر پی ٹی اے کی نگرانی

پاکستان ٹیلی کمیونی کیشن اتھارٹی (پی ٹی اے) نے کہا ہے کہ وہ کلاؤڈفلیئر اور ایکس سمیت عالمی سروس آؤٹج پر کڑی نظر رکھے ہوئے ہیں۔

پی ٹی اے کا کہنا ہے کہ بین الاقوامی پلیٹ فارمز اور مقامی آپریٹرز کے ساتھ مسلسل رابطہ برقرار ہے، اور سروسز کی مکمل بحالی تک صورتحال کی مونیٹرنگ جاری رہے گی۔