کرسٹوفر نولن کی فلم ‘دی اوڈیسی’ کے نیویارک پریمیئر میں ‘اجرک’ سے تیار کردہ ٹائی زیب تن کر کے شرکت

ہالی ووڈ کے معروف ڈائریکٹر کرسٹوفر نولن نے اپنی نئی بلاک بسٹر فلم ‘دی اوڈیسی’ (The Odyssey) کے نیویارک میں ہونے والے عالمی پریمیئر کے موقع پر سندھی اور جنوب ایشیائی ثقافت سے مزین ‘اجرک’ کے بلاک پرنٹ پر مشتمل خصوصاً تیار کردہ سلک ٹائی زیب تن کر کے شرکت کی۔ نیویارک میں مقیم ڈیزائنر آہان ٹنڈن (Aahaan Tandon) کی تیار کردہ اس اجرک ٹائی نے فیشن کی دنیا اور دنیا بھر کے مداحوں کی توجہ حاصل کر لی۔ ٹائی میں اجرک کے روایتی ہندسی نمونے، سرخ اور نیلا رنگ اور خوبصورت پھولدار میڈلینز کے نقش و نگار شامل تھے۔

کرسٹوفر نولن جو عموماً سادہ ڈارک سوٹ اور سادہ ٹائیز پہننے کے لیے جانے جاتے ہیں، ان کا ہالی ووڈ کے اتنے بڑے ریڈ کارپٹ پر صدیوں پرانی بلاک پرنٹنگ اور روایتی دستکاری سے آراستہ ڈیزائن کا انتخاب کرنا انتہائی سراہا جا رہا ہے۔ اجرک، جو سندھ کی قدیم ثقافت، شناخت اور تاریخ کا اہم ترین نشان ہے، بین الاقوامی سطح پر اس انداز میں پیش کیے جانے پر پاکستانی اور جنوب ایشیائی کپڑوں اور فیشن کے شائقین میں خوشی کی لہر دوڑ گئی ہے