چینی کمپنی کی پاکستان کے انفرا اسٹرکچر شعبے میں سرمایہ کاری میں دلچسپی

خصوصی سرمایہ کاری سہولت کونسل (SIFC) کی مؤثر معاونت کے باعث پاکستان میں غیر ملکی سرمایہ کاری اور انفراسٹرکچر منصوبوں کے نئے مواقع سامنے آ رہے ہیں۔ وفاقی وزیر سرمایہ کاری قیصر احمد شیخ سے شینڈونگ ہائی اسپیڈ گروپ کے چیئرمین شو ژیانگ کی قیادت میں چینی وفد نے ملاقات کی، جس کے دوران چینی کمپنی نے پاکستان کے ٹرانسپورٹ، لاجسٹکس اور کنیکٹیوٹی کے شعبوں میں گہری دلچسپی کا اظہار کیا۔ وفد نے حیدرآباد میں او جی ڈی سی ایل (OGDCL) کے اشتراک سے جاری تیل و گیس منصوبے سمیت دیگر سرگرمیوں سے آگاہ کیا۔ اس موقع پر وفاقی وزیر نے پاکستان کے بہتر ہوتے ہوئے کاروباری ماحول اور نوجوان افرادی قوت کو اجاگر کرتے ہوئے وفد کو ایس آئی ایف سی اور بورڈ آف انویسٹمنٹ کی جانب سے مکمل ادارہ جاتی سہولت کاری کی یقین دہانی کرائی، جس سے پاک چین اقتصادی اور صنعتی تعاون کو مزید فروغ ملے گا۔