چینی شینڈونگ گروپ کی پاکستان کے توانائی شعبے میں بڑی سرمایہ کاری کی پیشکش
Web Desk
2 July 2026
وفاقی وزیر پٹرولیم علی پرویز ملک سے چین کے مایہ ناز شینڈونگ گروپ کے چیئرمین ہاؤ جیان شِن نے ایک اہم ملاقات کی، جس میں پاکستان کے توانائی کے شعبے میں وسیع پیمانے پر سرمایہ کاری اور دوطرفہ اقتصادی تعاون کے فروغ پر تفصیلی تبادلہ خیال کیا گیا۔
وزارتِ پٹرولیم کی جانب سے جاری کردہ اعلامیے کے مطابق، چینی وفد نے پاکستان کے توانائی شعبے میں طویل المدتی سٹریٹجک شراکت داری کی تجویز پیش کی ہے۔ شینڈونگ گروپ نے ملک میں تیل و گیس کی پیداوار بڑھانے، جدید ڈرلنگ اور فیلڈ آپٹیمائزیشن کے منصوبوں میں بھاری سرمایہ کاری کی پیشکش کی ہے۔
اس کے علاوہ چینی کمپنی نے پاکستان میں ریفائنری اپ گریڈیشن، فلوئیڈ کیٹالیٹک کریکنگ (FCC) یونٹ کی تنصیب، توانائی سے متعلق جدید آلات کی مینوفیکچرنگ سہولت کے قیام، آف شور توانائی منصوبوں، سلفر پروسیسنگ پلانٹ اور انرجی سٹیز میں سرمایہ کاری میں گہری دلچسپی ظاہر کی ہے۔ کمپنی حکام کا کہنا ہے کہ پاکستان میں قائم ہونے والی مینوفیکچرنگ سہولت کو نہ صرف مقامی ضروریات بلکہ مشرق وسطیٰ کی منڈیوں تک رسائی حاصل کرنے کے لیے بھی بطور مرکز استعمال کیا جا سکے گا۔
ملاقات کے دوران وفاقی وزیر پیٹرولیم علی پرویز ملک نے چینی سرمایہ کاری کا خیرمقدم کرتے ہوئے کہا کہ حکومت ملک کے توانائی کے شعبے میں بیرونی سرمایہ کاری اور ویلیو ایڈیشن کے فروغ کے لیے پُرعزم ہے۔ انہوں نے پیٹرولیم ڈویژن کو فوری طور پر ہدایت کی کہ چینی کمپنی کی تمام تجاویز کا جائزہ لینے کے لیے فوکل پرسنز مقرر کیے جائیں تاکہ اس پیشکش پر تیز رفتار پیش رفت کو یقینی بنایا جا سکے۔ علی پرویز ملک کا کہنا تھا کہ پاکستان اور چین کے درمیان توانائی کے شعبے میں تعاون اس منصوبے سے مزید مضبوط ہوگا اور چینی کمپنی کی یہ سرمایہ کاری پاکستان کی توانائی اور معاشی خود انحصاری میں سنگِ میل ثابت ہوگی
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026