ڈرون کا توڑ، چین نے مائیکروویو شعاعوں والا جدید ہتھیار بنا لیا

چین نے ڈرون حملوں کا مؤثر توڑ نکالتے ہوئے مائیکروویو شعاعوں پر مبنی جدید ہتھیار تیار کر لیا ہے، جو بیک وقت کئی ڈرونز کو ناکارہ بنانے کی صلاحیت رکھتا ہے۔

چین کی سرکاری اسلحہ ساز کمپنی نورینکو (Norinco) کے ماہرین کے مطابق یہ ہتھیار “ہیریکین 3000” کہلاتا ہے اور اسے ٹرک پر نصب کیا جا سکتا ہے۔ یہ نظام تین کلومیٹر تک کی حدود میں پرواز کرنے والے ڈرون جھنڈ کو ایک ساتھ تباہ کرنے کی صلاحیت رکھتا ہے۔

ہیریکین 3000 سے خارج ہونے والی طاقتور اور غیر مرئی مائیکروویو شعاعیں ڈرونز کے تمام برقی نظام کو جام کر دیتی ہیں، جس کے بعد ڈرون فضا میں ہی ناکارہ ہو جاتے ہیں۔

مغربی دفاعی ماہرین اس ہتھیار کو ڈرون حملوں کے خلاف ایک مؤثر دفاعی نظام قرار دے رہے ہیں اور اسے جدید جنگی ٹیکنالوجی میں ایک اہم پیش رفت سمجھا جا رہا ہے۔