عارف والا: اوباش ملزم کی 6 سالہ بچے کے ساتھ مبینہ زیادتی

محلہ مشتاق نگر میں انسانیت سوز واقعہ سامنے آیا ہے جہاں ایک اوباش ملزم نے 6 سالہ معصوم بچے کو مبینہ طور پر اپنی ہوس کا نشانہ بنا ڈالا۔

پولیس ذرائع کے مطابق ملزم کمسن بچے کو بہلا پھسلا کر اپنے گھر لے گیا، جہاں اس نے بچے کے ساتھ مبینہ زیادتی کی۔ واقعے کے بعد معصوم بچے کی حالت انتہائی غیر ہو گئی، جس پر اسے فوری طور پر طبی امداد کے لیے تحصیل ہسپتال منتقل کیا گیا جہاں ڈاکٹرز اسے طبی امداد فراہم کر رہے ہیں۔

تھانہ سٹی پولیس نے واقعے کا فوری نوٹس لیتے ہوئے متاثرہ بچے کی والدہ کی مدعیت میں ملزم کے خلاف مقدمہ درج کر لیا ہے۔ پولیس حکام کا کہنا ہے کہ واقعے کی سنگینی کو مدنظر رکھتے ہوئے ضروری قانونی کارروائی کا آغاز کر دیا گیا ہے اور ملزم کی گرفتاری کے لیے چھاپے مارے جا رہے ہیں تاکہ اسے قانون کے کٹہرے میں لایا جا سکے۔