چیونگ گم دل کی صحت کے لیے مفید؟ نئی تحقیق سامنے آگئی

ایک نئی طبی تحقیق میں یہ حیران کن انکشاف سامنے آیا ہے کہ چقندر، پالک اور کیل (Kale) جیسی نائٹریٹس سے بھرپور سبزیاں کھانے یا ان کا جوس پینے کے بعد ببل گم (چیونگ گم) چبانا بلڈ پریشر کو کم کرنے اور دل کی صحت کو محفوظ رکھنے میں غیر معمولی حد تک مددگار ثابت ہو سکتا ہے۔

سبزیوں میں موجود نائٹریٹس دل کی صحت کے لیے بہترین سمجھے جاتے ہیں۔ یہ جسم میں جا کر خون کی نالیوں کو پھیلاتے ہیں، جس سے خون کی روانی بہتر ہوتی ہے اور پٹھوں کو توانائی ملتی ہے۔ ماہرین کے مطابق یہ عمل بلڈ پریشر کو نمایاں طور پر کم کر کے ہارٹ اٹیک اور فالج (اسٹروک) جیسے جان لیوا خطرات کو ٹال سکتا ہے۔اس قدرتی فائدے کے مکمل حصول کے لیے ایک خاص کیمیائی عمل ضروری ہے، جسے نیچے دیے گئے نکات سے سمجھا جا سکتا ہے سبزیوں کا نائٹریٹ اس وقت تک اثر نہیں دکھاتا جب تک وہ نائٹرائٹ میں تبدیل نہ ہو جائے۔ یہ تبدیلی انسان کے منہ میں موجود مخصوص اور مفید بیکٹیریا انجام دیتے ہیں۔

کنگز کالج لندن اور یونیورسٹی آف ریڈنگ کے سائنس دان اس تبدیلی کے عمل کو تیز کرنے کے طریقے تلاش کر رہے تھے۔ اس سے قبل دل کے ماہر اینڈریو ویب نے دیکھا تھا کہ جب چقندر کے جوس کے ساتھ گریپ فروٹ (چکوترے) کا جوس پیا جائے، تو تھوک کی تیزابیت (Acidity) کم ہو جاتی ہے، جس سے نائٹریٹ کا نائٹرائٹ میں تبدیل ہونا رک جاتا ہے۔ اسی بنیاد پر سائنس دانوں نے تھوک کی تیزابیت کو بڑھا کر اس عمل کو تیز کرنے کا تجربہ کیا۔ انہوں نے دریافت کیا کہ میٹھی (شوگر والی) چیونگ گم چبانے سے منہ میں تھوک کی تیزابیت بڑھتی ہے، جو بیکٹیریا کو زیادہ تیزی سے نائٹریٹ کو نائٹرائٹ میں تبدیل کرنے میں مدد دیتی ہے۔تحقیق کے دوران رضاکاروں پر باقاعدہ تجربہ کیا گیا جس کا طریقہ کار درج ذیل تھا تمام رضاکاروں کو پہلے چقندر کے جوس کا ایک شاٹ پلایا گیا۔جوس پینے کے بعد انہیں کئی گھنٹوں تک مسلسل چیونگ گم چبانے کی ہدایت کی گئی۔