آئی سی سی سے مذاکرات کا مقصدبنگلہ دیش کوعزت دلاناتھا، چیئرمین پی سی بی

چیئرمین پی سی بی محسن نقوی کہتےہیں انٹرنیشنل کرکٹ کونسل سے مذاکرات میں ہمارا مقصد صرف بنگلہ دیش کوعزت دلاناتھا۔ہم  نے بنگلا دیش کے معاملے کے  سوا کوئی شرط نہیں رکھی۔

چیئرمین پی سی بی نے کہا کہ ہمارا مقصد بنگلادیش کے ساتھ ہونے والی ناانصافی کو اجاگر کرنا تھا۔ بات چیت بنگلا دیش کے تمام مطالبات تسلیم کیے گئے۔

دو روز قبل لاہور میں آئی سی سی، پی سی بی اور بی سی بی کے درمیان پاکستان کے بھارت کے خلاف میچ کے بائیکاٹ کے حوالے سے مذاکرات ہوئے تھے۔

بات چیت میں آئی سی سی کے ڈپٹی چیئرمین عمران خواجہ اور چیئرمین پی سی بی محسن نقوی کے علاوہ  بنگلا دیش کرکٹ بورڈ کے صدر امین الاسلام بھی شریک  تھے۔

بعدمیں آئی سی سی نے پی سی بی اور بی سی بی کے ساتھ مذاکرات کی تفصیلات جاری کیں جن میں کہا گیا تھا کہ ٹی ٹوئنٹی ورلڈک میں عدم شرکت پر بنگلا دیش پر کوئی جرمانہ عائد نہیں ہوگا۔اس کے علاوہ بنگلا دیش کو آئی سی سی ایونٹ کی میزبانی بھی دی جائےگی۔