دھمکیوں سے نہیں ڈرتے، گھرآئے مہمان کو عزت دینی چاہیے، محسن نقوی

چیئرمین پاکستان کرکٹ بورڈ محسن نقوی نے کہا ہے کہ پاکستان کسی کی دھمکیوں سے نہیں ڈرتا، گھرآئے مہمان کو عزت دینی چاہیے۔ لاہور میں پی ایس ایل کی فرنچائز ملطان سلطانز کی نیلامی کی تقریب کے بعد میڈیاسے گفتگوکرتےہوئے محسن نقوی کا کہنا تھا کہ آئی سی سی اور بنگلادیش کے درمیان بات چیت جاری ہے ۔اس معاملے میں پیش رفت ہو رہی ہے۔

محسن نقوی نے کہاکہ پاکستان نے بنگلادیش کے مؤقف کی کھل کر حمایت کی ہے ، ہم انصاف اور کھیل کے تقاضوں کے مطابق فیصلوں کے حق میں ہیں۔  کرکٹ میں شفافیت اور برابری کے اصولوں پر کوئی سمجھوتہ نہیں کیا جائے گا۔

بھارت کے خلاف میچ کے بائیکاٹ کے حوالے سے چیئرمین پی سی بی اور آئی سی سی وفد کے درمیان گزشتہ روز میٹنگ ہوئی تھی جس میں پاکستان نے کھل کر اپنے تحفظات کا اظہار کیا تھا اور ساتھ ہی بنگلا دیش کے ساتھ ہونے والئی زیادتی کے ازالے پر روز دیا تھا۔

چیئرمین پی سی بی محسن نقوی نیلامی کی تقریب سے خطاب کرتے ہوئے کہا کہ ولی ٹیکنالوجی کو مبارکباد دیتے ہیں، نجم سیٹھی کا شکریہ انہوں نے ملتان سلطانز بنائی۔