چیئرمین این آئی آر سی جسٹس (ر) شوکت عزیز صدیقی مستعفی

نیشنل انڈسٹریل ریلیشنز کمیشن (این آئی آر سی) کے چیئرمین جسٹس (ر) شوکت عزیز صدیقی نے ذاتی وجوہات کی بنیاد پر اپنے عہدے سے استعفیٰ دے دیا ہے۔

نوٹس کے مطابق چیئرمین این آئی آر سی نے صدر مملکت کو سیکرٹری وزارت اوورسیز پاکستانیز کے ذریعے معاہدہ ختم کرنے کا باضابطہ نوٹس بھجوا دیا ہے۔ استعفے میں مؤقف اختیار کیا گیا ہے کہ ذاتی وجوہات کی بنا پر اب دستخط کنندہ کے لیے اپنی ذمہ داریاں اور فرائض انجام دینا ممکن نہیں رہا۔نوٹس میں بتایا گیا ہے کہ جسٹس (ر) شوکت عزیز صدیقی کو 2 دسمبر 2024 کو چیئرمین این آئی آر سی تعینات کرنے کا نوٹیفکیشن جاری ہوا تھا، جبکہ انہوں نے 4 دسمبر 2024 کو اپنے عہدے کا چارج سنبھالا تھا۔چیئرمین این آئی آر سی نے معاہدہ ختم کرنے کے لیے معاہدے کی شق XII کے تحت ایک ماہ کا نوٹس بھی دے دیا ہے۔

ذرائع کے مطابق استعفے پر آئینی اور قانونی تقاضے مکمل کیے جا رہے ہیں۔