چیئرمین جوائنٹ چیفس آف اسٹاف کمیٹی کو کنگ عبدالعزیز میڈل آف آنر سے نوازا گیا

چیئرمین جوائنٹ چیفس آف اسٹاف کمیٹی (CJCSC) جنرل ساحر شمشاد مرزا سرکاری دورے پر سعودی عرب پہنچ گئے جہاں انہوں نے سعودی مسلح افواج کے چیف آف جنرل اسٹاف جنرل فیاض بن حامد الرویلی سے ملاقات کی۔

ملاقات کے دوران دونوں فریقین نے عالمی اور خطے کے بدلتے ہوئے حالات پر تبادلہ خیال کیا اور دوطرفہ دفاعی تعاون کو مزید فروغ دینے کے مواقع پر غور کیا۔ فوجی قیادت نے پاکستان اور سعودی عرب کے درمیان مضبوط بھائی چارے کے تعلقات اور دیرپا دفاعی شراکت داری کو مزید گہرا کرنے کے عزم کا اعادہ کیا۔پاکستان اور سعودی عرب کے تعلقات میں خصوصاً فوجی تعاون میں اہم کردار ادا کرنے پر جنرل ساحر شمشاد مرزا کو سعودی عرب کی جانب سے کنگ عبدالعزیز میڈل آف آنر آف دی ایکسیلینٹ کلاس سے نوازا گیا۔
سعودی عسکری قیادت نے پاکستان آرمی کی پیشہ ورانہ مہارت کو سراہا اور دہشت گردی کے خلاف جنگ میں ان کی قربانیوں کو تسلیم کیا