ناکہ بندی کے دوران اب تک 61 ایرانی جہازوں کو واپس بھیجا جا چکا، سینٹ کام

امریکی فوج کی سینٹرل کمانڈ (سینٹ کام) نے دعویٰ کیا ہے کہ سمندری ناکہ بندی کے دوران اب تک 61 ایرانی جہازوں کو روک کر واپس بھیجا جا چکا ہے۔ جاری کردہ بیان میں سینٹ کام نے بتایا کہ اس کارروائی کے دوران 4 تجارتی جہازوں کو غیر فعال بھی کیا گیا، جبکہ 20 سے زائد امریکی جنگی جہاز ایران کے خلاف اس ناکہ بندی کو نافذ کرنے کے لیے تعینات ہیں۔

دوسری جانب، ایرانی بحریہ کے کمانڈر نے امریکی اقدامات کے جواب میں اعلان کیا ہے کہ مقامی طور پر تیار کردہ ہلکی اور چھوٹی آبدوزیں آبنائے ہرمز میں تعینات کر دی گئی ہیں۔ ایرانی حکام کا موقف ہے کہ یہ آبدوزیں کسی بھی دشمن کی جارحیت کو روکنے اور اسے تباہ کرنے کی مکمل صلاحیت رکھتی ہیں۔ خطے میں دونوں ممالک کی بڑھتی ہوئی فوجی سرگرمیوں نے بحری جہاز رانی کے تحفظ اور سیکیورٹی سے متعلق نئے خدشات پیدا کر دیے ہیں۔