کارگو طیارہ حادثہ: لاپتہ پائلٹ اور انجینئر کی غائبانہ نماز جنازہ آج ادا کی جائیگی

سمندر میں گر کر تباہ ہونے والے کارگو طیارے کے حادثے میں لاپتہ پائلٹ اور انجینئر کی غائبانہ نمازِ جنازہ آج کراچی کے مختلف علاقوں میں ادا کی جائے گی۔

ذرائع کے مطابق، حادثے کا شکار ہونے والے پائلٹ، گروپ کیپٹن (ریٹائرڈ) محمد رضوان ادریس کی غائبانہ نمازِ جنازہ ملیر کے علاقے میں ادا کی جائے گی، جبکہ طیارے کے انجینئر محمد عارف صدیقی کی غائبانہ نمازِ جنازہ گلستانِ جوہر میں ادا کی جائے گی۔

یاد رہے کہ یہ افسوسناک حادثہ رواں ماہ 7 جولائی کو پیش آیا تھا جب ایک کارگو طیارہ سمندر میں گر کر تباہ ہو گیا تھا۔ اس حادثے کے بعد سے طیارے کے عملے کے 5 ارکان بدستور لاپتہ ہیں، جن کی تلاش کے لیے ریسکیو آپریشن کیا گیا تھا تاہم ان کا کوئی سراغ نہ ملنے پر اب عملے کے ارکان کی غائبانہ نمازِ جنازہ ادا کی جا رہی ہے۔