وہ دور گزر گیا جب ہمارے 70 فیصد دفاعی اخراجات امریکا کو جاتے تھے، کینیڈین وزیراعظم

کینیڈا کے وزیراعظم مارک کارنی نے کہا ہے کہ وہ وقت گزر چکا ہے جب ملک کے دفاعی اخراجات کا بڑا حصہ امریکا کو منتقل ہوتا تھا۔

مونٹریال میں لبرل پارٹی کے اجلاس سے خطاب کرتے ہوئے انہوں نے کہا کہ ماضی میں ہر ڈالر میں سے 70 سینٹ تک دفاعی اخراجات امریکا پر خرچ ہوتے تھے، تاہم اب اس پالیسی میں بنیادی تبدیلی لائی جا رہی ہے۔

مارک کارنی کے مطابق کینیڈا اب اپنی دفاعی حکمت عملی کو ازسرنو ترتیب دے رہا ہے اور مقامی دفاعی صنعت میں سرمایہ کاری بڑھائی جائے گی۔

انہوں نے کہا کہ موجودہ عالمی حالات کے پیش نظر کسی ایک ملک پر مکمل انحصار ممکن نہیں رہا، اس لیے کینیڈا اپنی دفاعی خود مختاری کو مضبوط بنا رہا ہے۔