ایف بی آئی نے کیلیفورنیا میں دہشتگرد حملے کا بڑا منصوبہ ناکام بنا دیا

ایف بی آئی نے امریکی ریاست کیلیفورنیا میں دہشتگردی کا ایک بڑا منصوبہ ناکام بنا دیا ہے۔ امریکی حکام کے مطابق لاس اینجلس اور اورنج کاؤنٹی میں نئے سال کے موقع پر بم دھماکوں کی منصوبہ بندی کی جا رہی تھی۔

امریکی اٹارنی جنرل کا کہنا ہے کہ دہشتگرد عناصر لاس اینجلس اور اورنج کاؤنٹی کو نشانہ بنانا چاہتے تھے۔ منصوبے کے تحت امیگریشن ایجنٹس، گاڑیوں اور مختلف مقامات کو نشانہ بنانے کی تیاری کی گئی تھی۔

حکام کے مطابق کارروائی کے دوران منصوبے میں ملوث چار افراد کو گرفتار کر لیا گیا ہے۔ امریکی اٹارنی جنرل نے بتایا کہ گرفتار افراد پر دہشتگردی کی سازش اور غیر رجسٹرڈ تباہ کن ہتھیار رکھنے کے الزامات عائد کیے گئے ہیں۔

امریکی حکام کا کہنا ہے کہ بروقت کارروائی کے باعث ممکنہ جانی نقصان سے بچاؤ ممکن ہوا اور عوام کی سلامتی کو یقینی بنایا گیا۔