بشریٰ بی بی سے بیٹی اور بھابھی کی ملاقات، بانی پی ٹی آئی کی صحت پر تبادلہ خیال

بانی پی ٹی آئی کی اہلیہ بشریٰ بی بی سے ان کے اہلخانہ کی ملاقات کا سلسلہ ختم ہو گیا ہے، جس کے بعد ان کی فیملی اڈیالہ جیل سے واپس روانہ ہو گئی۔ جیل ذرائع کے مطابق، بشریٰ بی بی سے ان کی بیٹی مبشرہ شیخ اور بھابھی مہر النساء نے ملاقات کی۔

یہ ملاقات جیل انتظامیہ کے زیرِ انتظام کانفرنس روم میں کروائی گئی جو کافی دیر تک جاری رہی۔ ملاقات کے دوران بشریٰ بی بی کی خیریت دریافت کی گئی اور خصوصی طور پر بانی پی ٹی آئی اور بشریٰ بی بی کی صحت سے متعلق امور پر بات چیت کی گئی۔ ملاقات کے اختتام پر اہلخانہ سخت سکیورٹی میں جیل سے روانہ ہو گئے۔