LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

’میری عمر پر تنقید چھوڑ کر کچھ نیا سوچیں‘ بشریٰ انصاری کا ناقدین کو مشورہ

Web Desk

3 July 2026

پاکستان کی سینئر اور مایہ ناز اداکارہ بشریٰ انصاری نے سوشل میڈیا پر عمر اور جسمانی بناوٹ سے متعلق تنقید کرنے والے صارفین کو آڑے ہاتھوں لیتے ہوئے کہا ہے کہ ناقدین کو اب پرانے طعنے دہرانے کے بجائے تنقید کے لیے کچھ نیا سوچنا چاہیے۔

بشریٰ انصاری اپنی بھانجی اور معروف اداکارہ زارا نور عباس کی انسٹاگرام اسٹوریز میں گفتگو کرتے ہوئے نظر آئیں، جہاں انہوں نے سوشل میڈیا صارفین کے رویوں پر کھل کر بات کی۔ ان کا کہنا تھا کہ بعض لوگ ہر وقت کسی کو ‘بوڑھا’ اور کسی کو ‘موٹا’ کہنے میں مصروف رہتے ہیں، اور ایسے افراد کا یہ منفی رویہ انتہائی عجیب اور سمجھ سے باہر ہے۔

اس دوران جب زارا نور عباس کے شوہر اور اداکار اسد صدیقی نے ان سے پوچھا کہ وہ کن لوگوں کی بات کر رہی ہیں، تو بشریٰ انصاری نے اپنے مخصوص مزاحیہ انداز میں جواب دیا کہ ان ناقدین کے اپنے سوشل میڈیا پروفائلز پر اکثر پرندوں کی تصاویر لگی ہوتی ہیں، حالانکہ وہاں کچھ اور ہونا چاہیے۔ اس دلچسپ گفتگو میں بشریٰ انصاری کی بہن اور سینئر اداکارہ اسما عباس بھی شامل ہوئیں اور انہوں نے تائید کرتے ہوئے کہا کہ وہ خود بھی عمر سے متعلق ایک جیسے جملے سن سن کر اب تنگ آ چکی ہیں۔

بشریٰ انصاری نے طنزاً مزید کہا کہ اب شاید انہیں کوئی ایسا انوکھا کام کرنا چاہیے جس پر واقعی لوگ بات کریں، کیونکہ اس وقت ناقدین کے پاس ان کی عمر کے علاوہ تنقید کرنے کے لیے کوئی دوسرا موضوع ہی نہیں بچا۔ انہوں نے اس رویے کی وجہ بتاتے ہوئے کہا کہ ممکن ہے بعض لوگ ان سے اور ان کی بہن سے اس لیے حسد کرتے ہوں کہ وہ عمر کے اس مرحلے میں پہنچ کر بھی ایک متحرک، خوشگوار اور مصروف زندگی گزار رہی ہیں، جبکہ تنقید کرنے والے خود گھروں میں فارغ بیٹھے ہیں۔