غیر قانونی طریقے سے یورپ جانے کا خواب اب ممکن نہیں رہا، بیورو آف ایمیگریشن کی شہریوں کو وارننگ

بیورو آف ایمیگریشن اینڈ اوورسیز ایمپلائمنٹ نے شہریوں کو شدید خبردار کیا ہے کہ غیر قانونی ذرائع سے یورپ جانے کا خواب نہ صرف جان و مال کے لیے انتہائی خطرناک ہے، بلکہ جدید ترین سیکیورٹی نظام کی وجہ سے اب ایسا کرنا ناممکن ہو چکا ہے۔

ادارے کی جانب سے جاری کردہ آگاہی مہم میں واضح کیا گیا ہے کہ یورپی یونین نے سرحدی نگرانی کے لیے انتہائی جدید اور مؤثر ٹیکنالوجی متعارف کرا دی ہے جس کے باعث غیر قانونی نقل و حرکت کو فوراً پکڑ لیا جاتا ہے۔ اب یہ پرانا تصور ختم ہو چکا ہے کہ سرحدیں عبور کر کے یورپ پہنچنا آسان ہے۔ بیورو کے مطابق یورپی سرحدوں پر درج ذیل جدید ترین سیکیورٹی انتظامات کیے گئے ہیں. رات کے گھنے اندھیرے میں بھی کئی کلومیٹر دور سے انسانی نقل و حرکت کو واضح طور پر شناخت کر لیتے ہیں۔ گاڑیوں اور کنٹینرز کے اندر چھپے ہوئے افراد کا فوراً سراغ لگا لیتے ہیں۔  مسافروں کے فنگر پرنٹس اور چہرے کے نقوش محفوظ کر لیے جاتے ہیں، جس کے بعد کسی بھی شخص کا دوبارہ غیر قانونی داخلہ ناممکن ہو جاتا ہے۔ دشوار گزار راستوں کی مسلسل مانیٹرنگ کر کے سیکیورٹی اداروں کو فوری الرٹ فراہم کرتے ہیں۔ بیورو آف ایمیگریشن نے شہریوں پر زور دیا ہے کہ وہ بیرون ملک روزگار کے لیے صرف قانونی اور محفوظ راستوں کا انتخاب کریں۔ اس سلسلے میں مستند معلومات اور روزگار کے مواقع کے لیے بیورو آف ایمیگریشن کی آفیشل ویب سائٹ سے استفادہ کیا جا سکتا ہے۔