برطانیہ سے سکھ یاتریوں کے وفد کی گردوارہ جنم استھان آمد

برطانیہ سے تعلق رکھنے والے سکھ یاتریوں کا 20 رکنی وفد جتھہ لیڈر جسپال کور کی قیادت میں گوردوارہ جنم استھان پہنچ گیا۔ وفد کے اراکین نے گوردوارہ صاحب میں اپنی مذہبی رسومات ادا کیں اور ماتھا ٹیکا۔ اس موقع پر یاتریوں کا کہنا تھا کہ پاکستان آکر جو سکون اور خوشی ملی ہے اسے الفاظ میں بیان کرنا ناممکن ہے۔ انہوں نے پاکستانی حکومت اور عوام کی جانب سے کیے گئے شاندار انتظامات اور گرمجوشی سے کیے گئے استقبال کو سراہتے ہوئے کہا کہ یہاں کی مہمان نوازی نے ان کے دل جیت لیے ہیں۔