راولپنڈی: برطانوی سفارت خانے کا وفد اڈیالہ جیل پہنچا، برطانوی شہری کو کونسل رسائی فراہم

راولپنڈی میں برطانوی سفارت خانے کے چار رکنی وفد نے اڈیالہ جیل کا دورہ کیا۔ وفد میں الائس الزیبتھ، البرٹ ڈیوڈ، شاہد حسین اور سنینا اظہر شامل تھے۔

جیل ذرائع کے مطابق برطانوی سفارت خانے کا یہ وفد قید برطانوی شہری عاقل خان تک کونسل رسائی کے لیے پہنچا۔ اڈیالہ جیل انتظامیہ نے وفد کو قیدی تک رسائی دی تاکہ قانونی اور انسانی حقوق کے حوالے سے ضروری اقدامات پر توجہ دی جا سکے۔وفد کے دورے کا مقصد برطانوی شہری کے حالاتِ حراست اور قانونی معاونت کی سہولتوں کا جائزہ لینا بتایا گیا ہے۔