بلاول بھٹو زرداری کا پی پی پی خیبرپختونخوا کی تنظیم سے رابطہ،مرکزی کمیٹی قائم

اسلام آباد: پاکستان پیپلزپارٹی کے چیئرمین بلاول بھٹو زرداری نے پارٹی کی خیبرپختونخوا تنظیم سے رابطہ کاری کو مؤثر بنانے کے لیے مرکزی سطح پر ایک کمیٹی قائم کر دی ہے۔

اعلامیے کے مطابق پاکستان پیپلزپارٹی خیبرپختونخوا کی تنظیم سے رابطہ کاری کے لیے بننے والی کمیٹی میں سید نیر حسین بخاری، محمد ہمایوں خان اور قمر زمان کائرہ شامل ہوں گے۔پی پی پی خیبرپختونخوا کی تنظیم سے رابطہ کاری کے لیے قائم کی گئی کمیٹی کا نوٹیفکیشن چیئرمین بلاول بھٹو زرداری کے پولیٹیکل سیکریٹری جمیل سومرو نے جاری کر دیا ہے۔پارٹی ذرائع کے مطابق کمیٹی خیبرپختونخوا میں تنظیمی امور، پارٹی ڈھانچے اور سیاسی سرگرمیوں کے حوالے سے قیادت کو سفارشات پیش کرے گی۔