بلاول بھٹو سے پیپلز پارٹی رہنماؤں کی ملاقات، ملکی سیاسی صورتحال پر گفتگو

اسلام آباد میں زرداری ہاؤس کے اندر پاکستان پیپلز پارٹی (PPP) کے چیئرمین بلاول بھٹو زرداری سے پارٹی کے سینئر رہنماؤں نے اہم ملاقات کی، جس میں ملک کی موجودہ سیاسی صورتِ حال اور اہم قومی امور پر تفصیلی تبادلہ خیال کیا گیا۔ ملاقات کرنے والے وفد میں سابق وزیراعظم راجہ پرویز اشرف، سنیر رہنما شیری رحمان، نیئر بخاری، ہمایوں خان، نوید قمر اور قمر زمان کائرہ شامل تھے۔

دریں اثنا، گلگت بلتستان قانون ساز اسمبلی کے رکن عمران ندیم نے بھی زرداری ہاؤس میں بلاول بھٹو زرداری سے علیحدہ ملاقات کی۔ ملاقات کے دوران عمران ندیم نے ضلع شگر میں واقع اپنے حلقہ انتخاب کے عوام کو درپیش مسائل اور ان کے حل کے لیے اٹھائے گئے اقدامات پر چیئرمین پی پی پی کو تفصیلی بریفنگ دی۔