بلاول بھٹو زرداری سے سندھ کے مختلف حکام اور سیاسی رہنماؤں کی ملاقاتیں

پاکستان پیپلز پارٹی کے چیئرمین بلاول بھٹو زرداری سے بلاول ہاؤس میں اہم شخصیات کی ملاقاتوں کا سلسلہ جاری رہا۔ میئر کراچی مرتضیٰ وہاب نے بلاول بھٹو زرداری سے ملاقات کر کے شہر میں جاری عوامی فلاحی منصوبوں کی پیشرفت سے آگاہ کیا۔ اس کے علاوہ سندھ کے چیف سیکرٹری آصف حیدر شاہ نے بھی ملاقات کر کے صوبے کی انتظامی صورت حال پر بریفنگ دی۔ ملاقاتوں میں سابق رکن سندھ اسمبلی شہریار خان شر اور جہانگیر خان شر نے گھوٹکی کی سیاسی صورت حال پر تبادلہ خیال کیا، جبکہ رکن سندھ اسمبلی شہباز درانی اور ضلع شکارپور کے صدر عابد بھیو نے شکارپور کے عوامی مسائل اور تنظیمی امور پر تفصیلی گفتگو کی۔ دریں اثنا، صوبائی وزیر مکیش کمار چاولہ نے بھی بلاول بھٹو زرداری سے ملاقات کر کے اپنے محکموں کی کارکردگی کی رپورٹ پیش کی۔