بلاول بھٹو سے سرفراز بگٹی کی ملاقات، سیاسی صورتِ حال پر تبادلہ خیال

پاکستان پیپلز پارٹی کے چیئرمین بلاول بھٹو زرداری سے وزیراعلیٰ بلوچستان میر سرفراز بگٹی نے وفاقی دارالحکومت میں ملاقات کی، جس میں صوبے کی مجموعی سیاسی صورتحال اور ترقیاتی حکمت عملی پر تفصیلی تبادلہ خیال کیا گیا۔ ملاقات کے دوران بلاول بھٹو زرداری نے واضح کیا کہ بلوچستان کے عوام کی خوشحالی پی پی پی کے منشور کا کلیدی حصہ ہے۔ انہوں نے یقین دلایا کہ وفاقی سطح پر صوبے کے مسائل کے حل اور جاری منصوبوں کی بروقت تکمیل کے لیے بھرپور تعاون فراہم کیا جائے گا۔ دونوں رہنماؤں نے صوبے میں سیاسی استحکام اور عوامی فلاح و بہبود کے لیے مل کر کام کرنے کے عزم کا اعادہ کیا۔