دنیا کے 11 خوبصورت ترین ممالک کی نئی فہرست جاری، نیوزی لینڈ پہلے نمبر پر

دنیا کے 11 خوبصورت ترین ممالک کی نئی عالمی فہرست جاری کر دی گئی ہے، جس میں ایسے ممالک شامل ہیں جو اپنی دلکش قدرتی مناظر، تاریخی ورثے، شاندار ثقافت اور منفرد خوبصورتی کی وجہ سے سیاحوں کے دل موہ لیتے ہیں۔

دنیا بھر کے 195 ممالک میں سے انتخاب کرنا ایک مشکل مرحلہ ہوتا ہے، مگر حال ہی میں شائع ہونے والی نئی فہرست نے یہ فیصلہ خاصا آسان بنا دیا ہے۔ یہ رینکنگ اُن سیاحوں کی آراء پر مشتمل ہے جو خود ان ممالک کا سفر کر چکے ہیں۔ ٹریولرز کے مطابق یہ وہ منزلیں ہیں جنہیں کسی بھی بڑے سفر یا بکٹ لسٹ میں شامل کیا جانا ضروری ہے۔

Rough Guides کے سال 2024ء کے عالمی سروے میں نیوزی لینڈ نے سب سے زیادہ ووٹ حاصل کر کے دنیا کا خوبصورت ترین ملک ہونے کا اعزاز اپنے نام کیا۔
قارئین نے نیوزی لینڈ کو اس کی غیر معمولی قدرتی دلکشی، بے شمار ایڈونچر سرگرمیوں، برف پوش پہاڑوں، نیلگوں جھیلوں اور ساحلوں کے شاندار امتزاج کی بنیاد پر پہلے نمبر پر رکھا۔

جاری کردہ فہرست میں دوسرے سے گیارہویں نمبر تک شامل ممالک کچھ یوں ہیں:
یونان، اٹلی، جاپان، سوئٹزرلینڈ، ناروے، انڈونیشیا، کینیڈا، آئس لینڈ، بھارت، اور تھائی لینڈ۔