آزاد کشمیر حکومت سازی، بیرسٹر افتخار گیلانی کا نام وزیراعظم کیلئے فائنل

آزاد جموں و کشمیر میں حکومت سازی کے حوالے سے اسلام آباد میں واقع وزیراعظم ہاؤس میں ایک اہم اور اعلیٰ سطحی مشاورت مکمل کر لی گئی ہے، جس میں بیرسٹر افتخار گیلانی کا نام وزیراعظم آزاد کشمیر کے لیے فائنل کر لیا گیا ہے۔ وزیراعظم محمد شہباز شریف کی زیرِ صدارت ہونے والے اس اجلاس میں سینیٹر رانا ثناء اللہ، خواجہ سعد رفیق، صدر مسلم لیگ (ن) آزاد کشمیر شاہ غلام قادر، سابق وزیراعظم راجہ فاروق حیدر، نو منتخب اسپیکر چوہدری طارق فاروق، ڈپٹی اسپیکر احمد رضا قادری اور بیرسٹر افتخار گیلانی نے شرکت کی۔ اجلاس کے دوران آزاد کشمیر میں مسلم لیگ (ن) کی نئی حکومت کی تشکیل، کابینہ کے ارکان، پارلیمانی حکمتِ عملی اور گڈ گورننس سے متعلق امور پر اہم فیصلے کیے گئے۔ واضح رہے کہ آزاد کشمیر قانون ساز اسمبلی میں نئے وزیراعظم کا انتخاب 28 اگست کو عمل میں لایا جائے گا۔