مصطفیٰ کمال نے پمز دورے سے پہلے ہی استعفیٰ وزیراعظم کو بھجوا دیا تھا: بیرسٹر عقیل

وزیرِ مملکت برائے قانون و انصاف بیرسٹر عقیل ملک نے انکشاف کیا ہے کہ وفاقی وزیر مصطفیٰ کمال نے پمز ہسپتال کے دورے سے پہلے ہی اپنا استعفیٰ وزیراعظم کو ارسال کر دیا تھا۔ نجی ٹی وی کے پروگرام میں گفتگو کرتے ہوئے بیرسٹر عقیل ملک نے کہا کہ سانحہ پمز کی تحقیقات کے لیے وزیراعظم کی قائم کردہ اعلیٰ سطح کی کمیٹی کی ابتدائی رپورٹ کل تک متوقع ہے، اور یہ واقعہ حکومت کے لیے ایک ٹیسٹ کیس ہے۔ انہوں نے سوال اٹھایا کہ اگر سیکرٹری صحت کو ہٹایا جا سکتا ہے تو پمز کے ایگزیکٹو ڈائریکٹر (ای ڈی) کو عہدے سے کیوں نہیں ہٹایا گیا۔ قیدیوں کے حقوق پر بات کرتے ہوئے ان کا کہنا تھا کہ جیل رولز کے مطابق تمام قیدیوں کے حقوق برابر ہیں اور ضرورت پڑنے یا میڈیکل بورڈ کی سفارش پر قیدی کو سرکاری يا دیگر ہسپتالوں میں منتقل کیا جا سکتا ہے۔