ٹی 20 ورلڈ کپ: بنگلادیش کا بھارت ٹیم نہ بھیجنے کا اعلان، آئی سی سی کو باضابطہ آگاہ کردیا
Web Desk
4 January 2026
بنگلادیش کرکٹ بورڈ (بی سی بی) نے ٹی 20 ورلڈ کپ کے لیے قومی ٹیم بھارت نہ بھیجنے کا باضابطہ اعلان کر دیا ہے۔ بنگلادیشی بورڈ کے مطابق یہ فیصلہ موجودہ صورتحال اور حالیہ پیش رفت کے تناظر میں کیا گیا ہے۔
بی سی بی کی جانب سے جاری اعلامیے میں کہا گیا ہے کہ بورڈ آف ڈائریکٹرز کا ہنگامی اجلاس آج دوپہر منعقد ہوا، جس میں بھارت اور سری لنکا میں ٹی 20 ورلڈ کپ سے متعلق پیدا ہونے والی صورتحال کا تفصیلی جائزہ لیا گیا۔ گزشتہ 24 گھنٹوں میں سامنے آنے والی پیش رفت پر غور کے بعد بورڈ آف گورنرز نے فیصلہ کیا کہ بنگلادیش کی قومی ٹیم بھارت کا دورہ نہیں کرے گی۔
اعلامیے کے مطابق اس فیصلے سے انٹرنیشنل کرکٹ کونسل (آئی سی سی) کو باضابطہ طور پر آگاہ کر دیا گیا ہے، جبکہ بنگلادیش کرکٹ بورڈ کو امید ہے کہ آئی سی سی صورتحال کو مدنظر رکھتے ہوئے جلد اس معاملے پر جواب دے گی۔
دوسری جانب بنگلادیش کے مشیر برائے کھیل نے بھی اعلان کی تصدیق کرتے ہوئے کہا کہ بنگلادیش ورلڈ کپ کھیلنے کے لیے بھارت نہیں جائے گا۔ ان کا کہنا تھا کہ بھارتی کرکٹ بورڈ کی جارحانہ اور فرقہ وارانہ پالیسیوں کے تناظر میں کیے گئے اس فیصلے کا خیر مقدم کیا جانا چاہیے۔
واضح رہے کہ بھارتی انتہا پسند حلقوں کے دباؤ کے باعث آئی پی ایل سے فاسٹ بولر مستفیض الرحمان کو ریلیز کیے جانے کے بعد بھارت اور بنگلادیش کرکٹ بورڈ کے تعلقات میں کشیدگی میں اضافہ ہوا تھا۔
ذرائع کے مطابق بنگلادیش کرکٹ بورڈ آئی سی سی سے مطالبہ کرے گا کہ ورلڈ کپ میں بنگلادیش کے میچز سری لنکا منتقل کیے جائیں۔ بنگلادیش کے ٹی 20 ورلڈ کپ کے میچز اس وقت بھارت میں شیڈول ہیں، جن میں تین میچز کولکتہ اور ایک میچ ممبئی میں ہونا ہے۔
بنگلادیش نے ٹی 20 ورلڈ کپ کے لیے اپنے اسکواڈ کا اعلان بھی کر دیا ہے۔ لٹن کمار داس ٹیم کی قیادت کریں گے جبکہ سیف حسن کو نائب کپتان مقرر کیا گیا ہے۔ بنگلادیش کے گروپ میں انگلینڈ، ویسٹ انڈیز، نیپال اور اٹلی شامل ہیں۔
بنگلادیش کا پہلا میچ 7 فروری کو کولکتہ میں ویسٹ انڈیز کے خلاف شیڈول ہے۔
یاد رہے کہ پاکستان کی قومی ٹیم بھی بھارت کا دورہ نہیں کرے گی اور اپنے ورلڈ کپ میچز سری لنکا میں کھیلے گی۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026