بنگلادیش میں نوجوان سیاسی رہنما کی ہلاکت، ملک بھر میں پُرتشدد مظاہرے، سرکاری و میڈیا دفاتر نذرِ آتش
Web Desk
18 December 2025
بنگلادیش میں نوجوان سیاسی رہنما شریف عثمان ہادی کی ہلاکت کے بعد ملک بھر میں شدید احتجاج اور پُرتشدد مظاہروں کا سلسلہ شروع ہو گیا ہے۔
دارالحکومت ڈھاکا میں مشتعل مظاہرین سڑکوں پر نکل آئے، جہاں عوامی لیگ اور مختلف میڈیا اداروں کے دفاتر کو آگ لگا دی گئی، توڑ پھوڑ کی گئی اور اہم سڑکیں بند کر دی گئیں۔ مظاہرین اور سیکیورٹی فورسز کے درمیان جھڑپوں کی اطلاعات بھی موصول ہو رہی ہیں۔
احتجاج کے دوران مظاہرین نے شریف عثمان ہادی کے حق میں نعرے لگائے اور انصاف کی فراہمی تک احتجاج جاری رکھنے کا اعلان کیا۔ مظاہرین کا مطالبہ ہے کہ عثمان ہادی پر حملے کے ذمہ داروں کو فوری طور پر گرفتار کر کے انصاف کے کٹہرے میں لایا جائے۔
میڈیا رپورٹس کے مطابق راجشاہی میں مظاہرین کی جانب سے شیخ مجیب الرحمان کی رہائش گاہ کو بھی نذرِ آتش کیے جانے کی اطلاعات سامنے آئی ہیں۔
صورتحال کے پیش نظر حکام نے مختلف علاقوں میں سیکیورٹی سخت کر دی ہے جبکہ حساس مقامات پر اضافی نفری تعینات کر دی گئی ہے۔
شریف عثمان ہادی جولائی میں حسینہ واجد حکومت کا تختہ الٹنے والی طلبہ تحریک کے اہم رہنما تھے اور طلبہ رہنماؤں کے قائم کردہ سیاسی پلیٹ فارم انقلاب منچہ کے ترجمان بھی تھے۔
عثمان ہادی کو گزشتہ جمعے ڈھاکا میں نامعلوم افراد نے فائرنگ کر کے شدید زخمی کر دیا تھا۔ انہیں فوری طور پر اسپتال منتقل کیا گیا جہاں ابتدائی آپریشن کے بعد مزید علاج کے لیے ہفتے کے روز سنگاپور منتقل کیا گیا، تاہم وہ آج دورانِ علاج انتقال کر گئے۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026