LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

بلوچستان دہشتگردی کا شکار، تدارک کیلئے فیلڈ مارشل فوج کو لیڈ کر رہے ہیں: وزیراعظم

Web Desk

8 January 2026

وزیراعظم محمد شہباز شریف نے کہا ہے کہ بلوچستان بدقسمتی سے طویل عرصے سے دہشتگردی کا شکار رہا ہے اور دہشتگردی کے خلاف جنگ میں فیلڈ مارشل سید عاصم منیر افواجِ پاکستان کی قیادت کر رہے ہیں۔ دہشتگردی کے مکمل خاتمے تک حکومت چین سے نہیں بیٹھے گی۔

کوئٹہ میں وزیراعظم سے صوبائی وزراء، قومی و صوبائی اسمبلی کے اراکین، اتحادی جماعتوں اور اپوزیشن رہنماؤں نے ملاقات کی، جس میں سیاسی امور، گڈ گورننس اور عوام کو سہولیات کی فراہمی کے لیے کیے گئے اقدامات پر تفصیلی تبادلہ خیال کیا گیا۔

سیاسی قیادت سے گفتگو کرتے ہوئے وزیراعظم نے کہا کہ تمام تر چیلنجز کے باوجود بلوچستان کی کابینہ عوامی خدمت میں مصروف ہے اور اس کارکردگی پر مبارکباد کی مستحق ہے۔ انہوں نے چیف آف بگٹی قبائل منتخب ہونے پر سرفراز بگٹی کو بھی مبارکباد دی۔

وزیراعظم شہباز شریف کا کہنا تھا کہ دہشتگردی کے باعث بلوچستان نے بے پناہ مشکلات کا سامنا کیا، سکیورٹی فورسز کے جوانوں اور عوام کی قربانیاں ہمیشہ یاد رکھی جائیں گی۔ انہوں نے الزام عائد کیا کہ خوارج کو ہمسایہ ممالک کی جانب سے معاونت حاصل ہے۔

انہوں نے کہا کہ معرکۂ حق میں بھارت کو ایسا سبق سکھایا گیا جو وہ ہمیشہ یاد رکھے گا۔ این ایف سی ایوارڈ کے تحت صوبوں کو وسائل فراہم کیے جا رہے ہیں اور پنجاب اپنے حصے کے سالانہ 11 ارب روپے بلوچستان کو دے رہا ہے۔

وزیراعظم نے کہا کہ بلوچستان میں ترقیاتی کام کوئی احسان نہیں بلکہ ہمارا فرض ہیں۔ نواز شریف کے دور میں بلوچستان میں سڑکوں کا جال بچھایا گیا۔ انہوں نے اعلان کیا کہ کراچی سے چمن تک چار رویہ سڑک کا منصوبہ شروع کیا جا رہا ہے جبکہ پٹرولیم مصنوعات کی قیمتوں میں کمی کا فائدہ عوام کو منتقل کیا جا رہا ہے۔

آخر میں وزیراعظم نے کہا کہ موجودہ چیلنجز کا حل مشاورت، بھائی چارے اور باہمی تعاون سے ہی ممکن ہے۔