بلوچستان کے تمام سرکاری و نجی اسکولوں میں جسمانی سزا پر مکمل پابندی عائد
Web Desk
3 July 2026
محکمہ تعلیم بلوچستان نے صوبے بھر کے تمام سرکاری اور نجی تعلیمی اداروں میں طلبہ کو جسمانی سزا دینے پر مکمل پابندی عائد کر دی ہے اور اس حوالے سے ایک باقاعدہ اعلامیہ بھی جاری کر دیا گیا ہے۔
وزارتِ تعلیم کے اعلامیے کے مطابق، اب کسی بھی طالب علم کو تھپڑ مارنے، چھڑی یا کسی بھی دوسری چیز سے جسمانی سزا دینے کی قطعاً اجازت نہیں ہوگی۔ جسمانی تشدد کے ساتھ ساتھ طلبہ کی تذلیل کرنے، انہیں دھمکیاں دینے یا کسی بھی قسم کی ذہنی اذیت پہنچانے کو بھی سزا کے زمرے میں شمار کیا جائے گا اور اس پر سخت ایکشن لیا جائے گا۔
محکمہ تعلیم نے تمام تعلیمی اداروں کو ہدایت کی ہے کہ اسکولوں میں نظم و ضبط برقرار رکھنے کے لیے پرتشدد طریقوں کے بجائے دوستانہ، مثبت اور غیر تشدد پر مبنی رویہ اختیار کیا جائے۔ اساتذہ پر زور دیا گیا ہے کہ وہ طلبہ کے ساتھ خوش اخلاقی اور مثبت طرزِ عمل اپنائیں تاکہ بچوں کے لیے سازگار تعلیمی ماحول فراہم کیا جا سکے۔
اعلامیے میں واضح کیا گیا ہے کہ جسمانی سزا سے متعلق موصول ہونے والی ہر شکایت پر فوری تحقیقات کی جائیں گی اور اس کی رپورٹ متعلقہ ضلعی ایجوکیشن آفیسر (DEO) کو ارسال کی جائے گی۔ اس نظام کو شفاف بنانے کے لیے محکمہ تعلیم نے بلوچستان کے ہر اسکول میں شکایات کے اندراج کے لیے ‘کمپلینٹ رجسٹر’ رکھنے کا بھی حکم دیا ہے۔ اس کے ساتھ ہی اساتذہ، والدین اور طلبہ میں بچوں کے حقوق سے متعلق شعور بیدار کرنے کے لیے خصوصی آگاہی سیشنز بھی منعقد کیے جائیں گے۔
حکام نے خبردار کیا ہے کہ اس حکمنامے کی خلاف ورزی کرنے والے اساتذہ اور دیگر ذمہ داران کے خلاف سخت محکمانہ کارروائی عمل میں لائی جائے گی۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026