آذربائیجان کی ایران کے مبینہ ڈرون حملے کے بعد جوابی کاررروائی کی دھمکی

آذربائیجان کے ایران کے سرحد کے قریب واقع خودمختار علاقے نخچیوان کے ہوائی اڈے پر مبینہ ایرانی ڈرون حملہ ہوا ہے۔ آذربائیجان کے صدر الہام علیئیف نے ایران کو جوابی کارروائی کی دھمکی دی ہے۔

آذربائیجان کے صدرالہام علیوف نے کہا ہے کہ ایران کی جانب سے ان کے ملک کے علاقے پر ایک دہشت گردانہ حملہ کیا گیا۔

تاہم ایرانی فوج کے جنرل اسٹاف نے آذربائیجان کی جانب ڈرون حملے کی تردید کی اور کہا کہ یہ اقدامات اسرائیل کی جانب سے مسلم ممالک کے تعلقات میں خلل ڈالنے کے لیے کیے جا رہے ہیں۔

الہام علیوف نے کہا ہے کہ آذربائیجان کی مسلح افواج کو ہدایت دی گئی ہے کہ وہ جوابی کارروائی کے لیے تیار رہیں۔

اس حملے کے جواب میں آذربائیجان کی وزارتِ خارجہ نے ایران کے سفیر کو طلب کیا اور وزیرِ خارجہ نے حملے کی مذمت کرتے ہوئے کہا کہ ان کا ملک اس حملے کا جواب دینے کا حق محفوظ رکھتا ہے۔