سپیکر ایاز صادق آیت اللہ خامنہ ای کی آخری رسومات میں شرکت کرینگے

قومی اسمبلی کے سپیکر سردار ایاز صادق ایران کے رہبرِ اعلیٰ آیت اللہ خامنہ ای کی آخری رسومات میں شرکت کے لیے 2 جولائی کو تہران روانہ ہوں گے۔

ذرائع کے مطابق ایرانی پارلیمان کے سپیکر محمد باقر قالیباف نے سردار ایاز صادق کو آخری رسومات میں شرکت کے لیے خصوصی دعوت دی ہے، جس کا باضابطہ خط بھی سپیکر قومی اسمبلی کو موصول ہو گیا ہے۔

ذرائع کا مزید کہنا ہے کہ آیت اللہ خامنہ ای کی نمازِ جنازہ 3 جولائی کو ادا کی جائے گی، جس میں دنیا بھر سے مختلف ممالک کے اعلیٰ سطحی وفود کی شرکت متوقع ہے۔ سپیکر سردار ایاز صادق اس موقع پر پاکستان کی نمائندگی کرتے ہوئے آخری رسومات میں شریک ہوں گے۔