صدر مملکت کی آسٹریا روانگی، سپیکر قومی اسمبلی قائم مقام صدر مقرر

صدر مملکت آصف علی زرداری 27 سے 31 اگست تک آسٹریا کے 5 روزہ سرکاری دورے پر روانہ ہو گئے ہیں، جس کے بعد اسپیکر قومی اسمبلی سردار ایاز صادق نے قائم مقام صدر پاکستان کے فرائض سنبھال لیے ہیں۔ چیئرمین سینیٹ کی بیرون ملک موجودگی کے باعث آئین کے آرٹیکل 49(2) کے تحت اسپیکر قومی اسمبلی کو یہ ذمہ داری سونپی گئی ہے۔ آئینی ضوابط کے مطابق صدر مملکت یا چیئرمین سینیٹ کی وطن واپسی تک سردار ایاز صادق بطور قائم مقام صدر اپنی خدمات انجام دیتے رہیں گے، جس کا باقاعدہ نوٹیفکیشن بھی کابینہ ڈویژن کی جانب سے جاری کر دیا گیا ہے۔