LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

آسٹریلیا میں یہودی تقریب پر حملہ؛ سڈنی میں کارروائی، مزید 7 افراد گرفتار

Web Desk

18 December 2025

آسٹریلیا میں یہودی تقریب پر ہونے والے حملے کے بعد سیکیورٹی خدشات کے پیش نظر پولیس نے مزید 7 افراد کو حراست میں لے لیا ہے۔ اس حملے میں سڈنی کے ساحل پر ہونے والے واقعے میں 15 سے زائد افراد ہلاک ہوئے تھے۔

عالمی خبر رساں ادارے کے مطابق حملے میں ملوث ایک حملہ آور جوابی فائرنگ میں مارا گیا جبکہ اس کا بیٹا شدید زخمی حالت میں زیر علاج ہے اور پولیس کی تحویل میں موجود ہے۔

ابتدائی طور پر پولیس کا کہنا تھا کہ حملے میں باپ بیٹا ملوث تھے اور کسی تیسرے شخص کے ملوث ہونے کے شواہد نہیں ملے۔ پولیس کے مطابق دونوں افراد ذہنی طور پر داعش کے نظریات سے متاثر تھے۔

تاہم بعد ازاں سیکیورٹی خدشات کے باعث پولیس نے سڈنی کے جنوب مغربی علاقے میں کارروائی کرتے ہوئے مزید 7 افراد کو گرفتار کر لیا۔ اے ایف پی کے مطابق یہ کارروائی قانون نافذ کرنے والے اداروں کو موصول ہونے والی خفیہ اطلاع پر کی گئی، جس میں دو گاڑیوں میں سوار مشکوک افراد کی نشاندہی کی گئی تھی۔

پولیس کا دعویٰ ہے کہ گرفتار افراد کسی ممکنہ پرتشدد کارروائی کی منصوبہ بندی کر رہے تھے اور ان کی سمت بانڈی بیچ کی جانب تھی، تاہم فوری طور پر ان افراد کا حالیہ بانڈی بیچ ہنوکا حملے سے کوئی براہِ راست تعلق ثابت نہیں ہو سکا۔

اسکائی نیوز کے مطابق گرفتار ہونے والے ساتوں افراد میلبورن سے روانہ ہوئے تھے اور ان کا سفر تقریباً نو گھنٹوں پر محیط تھا، تاہم بانڈی بیچ جانے کی وجہ تاحال واضح نہیں ہو سکی۔

پولیس نے بتایا کہ ابتدائی تحقیقات میں گرفتار افراد کے بانڈی بیچ پر ہونے والے حالیہ دہشت گرد حملے سے کسی قسم کے تعلق کے شواہد سامنے نہیں آئے۔