LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

اٹک میں بارش نے دو خاندان اجاڑ دیئے، دیوار اور کچی چھت گرنے سے 3 افراد جاں بحق، 5 بچے زخمی

Web Desk

1 July 2026

ضلع اٹک اور اس کے گردونواح میں ہونے والی حالیہ شدید طوفانی بارش نے دو مختلف مقامات پر افسوسناک حادثات کو جنم دیا ہے، جن کے نتیجے میں ایک خاتون سمیت تین افراد جاں بحق جبکہ پانچ بچے شدید زخمی ہو گئے۔ ریسکیو حکام کے مطابق تمام زخمی بچوں کو فوری طور پر ڈسٹرکٹ ہیڈکوارٹر (DHQ) اسپتال اٹک منتقل کر دیا گیا ہے، جہاں انہیں ہنگامی طبی امداد فراہم کی جا رہی ہے۔

ریسکیو ذرائع کے مطابق پہلا افسوسناک واقعہ بوٹا گاؤں میں پیش آیا، جہاں مسلسل ہونے والی موسلادھار بارش کے باعث ایک رہائشی مکان کی خستہ حال دیوار اچانک بھرپرا کر گر گئی۔ دیوار کے ملبے تلے دب کر دو سگے بھائی موقع پر ہی جاں بحق ہو گئے جبکہ تین بچے زخمی ہوئے۔ واقعے کی اطلاع ملتے ہی ریسکیو الیون ٹو ٹو (1122) کی ٹیمیں جائے وقوعہ پر پہنچیں اور مقامی افراد کی مدد سے ملبہ ہٹا کر لاشوں اور زخمی بچوں کو نکالا۔

دوسرا حادثہ اٹک کے نواحی گاؤں شیں باغ کلاں (پارا شیں باغ) میں پیش آیا، جہاں طوفانی بارش کے دوران ایک کچے مکان کی چھت اچانک منہدم ہو گئی۔ ریسکیو حکام کے مطابق چھت کا بھاری ملبہ گرنے سے 38 سالہ خاتون (زوجہ عبادت شاہ) دم توڑ گئیں، جبکہ ان کے دو بیٹے 6 سالہ مجید شاہ اور 14 سالہ حفیظ شاہ شدید زخمی ہو گئے۔ ریسکیو اہلکاروں نے فوری کارروائی کرتے ہوئے خاتون کی لاش اور دونوں زخمی بھائیوں کو ڈی ایچ کیو اسپتال منتقل کیا۔

جاں بحق ہونے والی خاتون کی لاش کو ضروری قانونی کارروائی کے بعد سوگوار ورثا کے حوالے کر دیا گیا ہے، جبکہ اسپتال میں زیرِ علاج تمام بچوں کی حالت مستحکم بتائی جاتی ہے۔ مقامی رہائشیوں کا کہنا ہے کہ حالیہ طوفانی بارشوں کے سلسلے کے باعث علاقے میں موجود کچے اور خستہ حال مکانات کو شدید خطرات لاحق ہو چکے ہیں۔ شہریوں نے ضلعی انتظامیہ سے پرزور مطالبہ کیا ہے کہ بارشوں سے متاثرہ پسماندہ علاقوں میں فوری طور پر امدادی اور حفاظتی اقدامات کیے جائیں تاکہ مستقبل میں کسی بھی مزید جانی و مالی نقصان سے بچا جا سکے۔