سہیل آفریدی حفاظتی تحویل میں ہیں، گرفتار نہیں کیا گیا: عطا تارڑ

وفاقی وزیر اطلاعات و نشریات عطا اللہ تارڑ نے انکشاف کیا ہے کہ سابق وزیراعلیٰ خیبر پختونخوا سہیل آفریدی کو گرفتار نہیں کیا گیا بلکہ وہ فی الوقت حفاظتی تحویل میں ہیں، جبکہ ایمرجنسی کے نفاذ کے بعد خیبر پختونخوا اسمبلی کی حیثیت معطل ہو چکی ہے۔ ایک ٹی وی پروگرام میں گفتگو کرتے ہوئے وفاقی وزیر نے الزام عائد کیا کہ پی ٹی آئی قیادت کے طالبان (ٹی ٹی پی) کے ساتھ روابط کے شواہد موجود ہیں اور سہیل آفریدی نے اپنے دوروں کے دوران دہشت گردوں سے اپنے بندوں کا خیال رکھنے کی بات کی، جس سے امن و امان کو شدید خطرات لاحق ہوئے۔ عطا تارڑ نے دعویٰ کیا کہ پی ٹی آئی کا گورنر ہاؤس کو آگ لگانے اور توڑ پھوڑ کا منصوبہ عوام کی عدم شرکت کے باعث ناکام ہو گیا، جبکہ شفیع جان بھی فرار ہو چکے ہیں۔ انہوں نے صوبے میں ان ہاؤس تبدیلی کے امکان کو مسترد کرتے ہوئے کہا کہ منگل کو قومی اسمبلی کا اجلاس بلایا جا رہا ہے اور کے پی کے میں ایک نیا انتظامی سیٹ اپ مہارت کے ساتھ امور چلائے گا۔