جی ایچ کیو گیٹ حملہ کیس: سماعت 24 مارچ تک ملتوی

انسدادِ دہشت گردی کی خصوصی عدالت کے جج امجد علی شاہ نے جی ایچ کیو حملہ کیس کی سماعت 24 مارچ تک ملتوی کر دی ہے۔ آج ہونے والی سماعت کے دوران بانی پی ٹی آئی کو اڈیالہ جیل سے ویڈیو لنک کے ذریعے پیش کیا جانا تھا، جبکہ عمر ایوب اور شبلی فراز سمیت دیگر قائدین کے وکلا عدالت میں موجود رہے۔ پراسیکیوشن ٹیم نے عدالت کو آگاہ کیا کہ اب تک استغاثہ کے 45 گواہان پر جرح مکمل کی جا چکی ہے۔ یہ مقدمہ تھانہ آر اے بازار میں درج ہے جس میں پی ٹی آئی کی اعلیٰ قیادت کو نامزد کیا گیا ہے۔