اسنوکر ورلڈ کپ فائنل: اسجد اقبال ٹائٹل سے محروم، انگلینڈ کے ہاروی شانڈلر عالمی چیمپئن

آئی بی ایس ایف اسنوکر ورلڈ کپ کے فائنل میں پاکستان کے اسجد اقبال فیصلہ کن مقابلے میں شکست کھا گئے اور عالمی ٹائٹل انگلینڈ کے ہاروی شانڈلر نے اپنے نام کرلیا۔

عمان میں منعقدہ فائنل میں انگلش کیوئسٹ ہاروی شانڈلر نے بیسٹ آف نائن فریمز میں اسجد اقبال کو 2-5 سے شکست دے کر چیمپئن شپ جیت لی۔ مقابلے کے آغاز سے ہی اسجد اقبال اپنی مکمل فارم دکھانے میں ناکام رہے، جبکہ ابتدائی پانچ فریم کے بعد ہاروی کو 2-3 کی برتری حاصل تھی۔

پاکستانی کیوئسٹ کو کم بیک کا موقع ضرور ملا، تاہم وہ فیصلہ کن لمحات میں اعصاب پر قابو نہ رکھ سکے۔ انگلش کھلاڑی نے اگلے دونوں فریم اپنے نام کرتے ہوئے ٹائٹل اپنے نام کرلیا۔

اسجد اقبال نے سیمی فائنل میں فرانس کے نکولز مورٹریکس کو شکست دے کر فائنل میں جگہ بنائی تھی۔

واضح رہے کہ آئی بی ایس ایف اسنوکر ورلڈ کپ کا ٹیم ایونٹ کل سے شروع ہونے جا رہا ہے۔