خادمِ حرمین شریفین کے خصوصی حکم پر فیلڈ مارشل عاصم منیر کو شاہ عبدالعزیز کا اعلیٰ تمغہ عطا

خادمِ حرمین شریفین کے خصوصی حکم پر پاکستان کے آرمی چیف، فیلڈ مارشل عاصم منیر کو شاہ عبدالعزیز کا اعلیٰ درجے کا تمغہ عطا کیا گیا۔ یہ شاہی اعزاز پاک سعودی دوستی، دفاعی تعاون اور باہمی تعلقات کے فروغ میں نمایاں خدمات کے اعتراف میں دیا گیا ہے۔

سعودی قیادت نے اس موقع پر پاکستان اور سعودی عرب کے درمیان اسٹریٹجک شراکت داری مضبوط کرنے میں فیلڈ مارشل عاصم منیر کے کردار کو سراہا اور دونوں ممالک کے درمیان دفاعی، سیکیورٹی اور عسکری تعاون کو فروغ دینے پر ان کی تعریف کی۔

شاہی تمغے کی تقریب میں پاک سعودی تعلقات کو نئی بلندیوں تک لے جانے اور دیرینہ برادرانہ روابط کو مزید مستحکم کرنے کے عزم کا بھی اظہار کیا گیا۔ یہ اقدام دونوں ممالک کے دیرینہ برادرانہ تعلقات میں ایک اہم پیش رفت کے طور پر دیکھا جا رہا ہے۔