ایشز کا پہلا ٹیسٹ صرف دو روز میں تمام، آسٹریلیا کی انگلینڈ پر 8 وکٹوں سے واضح برتری
Web Desk
22 November 2025
ایشز سیریز کا پہلا ٹیسٹ صرف دو روز میں اپنے اختتام کو پہنچا، جہاں آسٹریلیا نے شاندار کارکردگی کا مظاہرہ کرتے ہوئے انگلینڈ کو 8 وکٹوں سے شکست دے دی۔
پرتھ ٹیسٹ کے پہلے ہی دن 19 وکٹوں کی غیر معمولی گراوٹ نے میچ کو سنسنی خیز بنا دیا۔ انگلینڈ پہلی اننگز میں 172 رنز پر ڈھیر ہوگیا، جب کہ آسٹریلیا دن کے اختتام تک 9 وکٹوں پر 123 رنز بنا سکا۔ دوسرے روز کینگروز کی پوری ٹیم 132 رنز پر آؤٹ ہوئی، جس کے بعد انگلینڈ نے 40 رنز کی معمولی برتری حاصل کی۔
تاہم انگلش بیٹرز دوسری اننگز میں بھی دباؤ کا شکار رہے اور پوری ٹیم صرف 164 رنز بنا سکی، جس سے آسٹریلیا کو میچ جیتنے کے لیے 205 رنز کا ہدف ملا۔
آسٹریلیا نے جارحانہ حکمتِ عملی اختیار کرتے ہوئے ٹریوس ہیڈ کو اوپنر کے طور پر بھیجا۔ ہیڈ نے مشکل پچ پر بے خوف بیٹنگ کرتے ہوئے صرف 83 گیندوں پر 123 رنز کی دھواں دار اننگز کھیلی، جس میں 4 چھکے اور 16 چوکے شامل تھے۔ مارنس لبوشین بھی 51 رنز کے ساتھ نمایاں رہے۔
آسٹریلیا کی کامیابی میں مرکزی کردار فاسٹ بولر مچل اسٹارک کا رہا، جنہوں نے پہلی اننگز میں 7 اور دوسری اننگز میں 3 وکٹیں حاصل کر کے مجموعی طور پر 10 شکار مکمل کیے۔ ان کے اس شاندار کارنامے پر انہیں مین آف دی میچ قرار دیا گیا۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026