LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

سندھ کے لیے 1018 ارب روپے کی ترقیاتی حکمتِ عملی کی منظوری

Web Desk

22 December 2025

وزیراعلیٰ سندھ مراد علی شاہ کی زیر صدارت ترقیاتی حکمتِ عملی اور سرمایہ کاری منصوبوں پر اعلیٰ سطح کا اجلاس منعقد ہوا، جس میں صوبائی وزراء، چیف سیکریٹری، چیئرمین منصوبہ بندی و ترقی اور دیگر اعلیٰ حکام نے شرکت کی۔ اجلاس میں سندھ کے لیے 1018 ارب روپے کی جامع ترقیاتی حکمتِ عملی کی منظوری دی گئی، جس میں موسمیاتی تبدیلیوں سے ہم آہنگ انفرا اسٹرکچر پر خصوصی زور دیا گیا ہے۔

وزیراعلیٰ نے ہدایت دی کہ تمام نئے منصوبوں میں ڈیزاسٹر رسک مینجمنٹ کو لازمی شامل کیا جائے۔ صوبائی سالانہ ترقیاتی پروگرام 2025-26 کے تحت 520 ارب روپے مختص کیے گئے ہیں، جبکہ سڑکوں کے انفرا اسٹرکچر کے لیے 582 ارب روپے کا منصوبہ تیار کیا گیا ہے۔ کراچی کے سڑک منصوبوں کے لیے 194 ارب روپے رکھے گئے ہیں، جن میں شاہراہِ بھٹو، ملیر ندی پل اور انڈر پاسز شامل ہیں۔

تعلیم کے شعبے کے لیے 340 ارب روپے کی سرمایہ کاری، سیلاب سے متاثرہ 1600 اسکولوں کی تعمیرِ نو، سکھر میں خواتین یونیورسٹی اور 9 نئے کیڈٹ کالجز کے قیام کا اعلان کیا گیا۔ صحت کے شعبے کے لیے 300 ارب روپے مختص کرتے ہوئے 9 ڈی ایچ کیو اسپتالوں کی توسیع اور ایس آئی یو ٹی، این آئی سی وی ڈی اور انڈس اسپتال کے لیے گرانٹس کی منظوری دی گئی۔

واٹر سینیٹیشن کے منصوبوں کے لیے 930 ارب روپے سے زائد، توانائی کے لیے 67.97 ارب روپے اور ریڈ، ییلو و اورنج لائن بی آر ٹی منصوبوں کے لیے 155 ارب روپے سے زائد مختص کیے گئے۔ وزیراعلیٰ نے کے فور اور حب کینال منصوبوں کی سخت نگرانی اور سندھ سولر انرجی منصوبے کے تحت سرکاری عمارتوں کی سولرائزیشن تیز کرنے کی ہدایت دی۔

اجلاس میں بتایا گیا کہ سندھ پیپلز ہاؤسنگ فار فلڈ افیکٹیز منصوبے کے تحت 21 لاکھ گھروں کی بحالی کا ہدف ہے، جبکہ اب تک 14 لاکھ ادائیگیاں مکمل اور تقریباً تین لاکھ خواتین کو زمین کے مالکانہ حقوق دیے جا چکے ہیں۔ وزیراعلیٰ نے تمام محکموں کو باہمی رابطے سے ترقیاتی حکمتِ عملی پر عملدرآمد اور سیلاب متاثرہ و پسماندہ علاقوں کو خصوصی فائدہ دینے کی ہدایت کی۔