9 مئی کیسز: علیمہ خان اور عظمیٰ خانم کی عبوری ضمانت میں توسیع

لاہور کی انسداد دہشت گردی عدالت نے 9 مئی کے جلاؤ گھیراؤ اور ہنگامہ آرائی کے مقدمات میں بانی پی ٹی آئی کی بہنوں علیمہ خان اور عظمیٰ خانم سمیت دیگر ملزمان کی عبوری ضمانت کی درخواستوں پر سماعت کی۔ اے ٹی سی کے جج منظر علی گل نے کیس کی سماعت کرتے ہوئے پراسیکیوشن سے مقدمات کا مکمل ریکارڈ طلب کر لیا ہے اور آئندہ سماعت پر وکلاء کو دلائل کے لیے بھی طلب کیا ہے۔ سماعت کے دوران اسد عمر، فواد چوہدری اور مسرت چیمہ سمیت دیگر ملزمان عدالت میں پیش ہوئے، جبکہ اعظم سواتی کی ایک روزہ حاضری معافی کی درخواست منظور کر لی گئی۔ عدالت نے کیس کی مزید سماعت 6 نومبر تک ملتوی کر دی ہے۔