امریکی ایگزم بینک کی پاکستان کیلئے نئی مالی معاونت کا اعلان

امریکی ایکسپورٹ امپورٹ بینک (ایگزم بینک) نے پاکستان کے لیے ایک ارب پچیس کروڑ ڈالر کی نئی مالی معاونت کا اعلان کیا ہے۔ اس سلسلے میں امریکی ناظم الامور نیٹلی بیکر نے کہا ہے کہ آنے والے برسوں میں ریکوڈیک مائن کی تعمیر اور اسے چلانے کے لیے درکار جدید امریکی مائننگ آلات اور خدمات کی مد میں ایگزم کی منصوبہ جاتی فنانسنگ دو ارب ڈالر تک پہنچ جائے گی۔

نیٹلی بیکر کے مطابق اس منصوبے سے امریکہ میں 6 ہزار جبکہ بلوچستان میں تقریباً ساڑھے 7 ہزار روزگار کے مواقع پیدا ہوں گے جس سے دونوں ممالک کے درمیان معاشی شراکت داری مزید مضبوط ہوگی