امریکا میں مہنگائی کی شرح 3 سال کی بلند ترین سطح پر پہنچ گئی

امریکا میں اپریل کے مہینے کے دوران صارفین کیلئے مہنگائی میں مزید اضافہ دیکھنے میں آیا ہے، جبکہ سالانہ بنیاد پر مہنگائی کی شرح نے تین برس کی بلند ترین سطح کو چھو لیا۔

معاشی ماہرین کے مطابق قیمتوں میں اضافے کے باعث امریکی عوام کو شدید مالی دباؤ کا سامنا ہے، جس کے سیاسی اثرات بھی سامنے آنے لگے ہیں۔

رپورٹس کے مطابق بڑھتی مہنگائی نے صدر ڈونلڈ ٹرمپ اور ان کی جماعت کیلئے نومبر میں ہونے والے وسط مدتی انتخابات سے قبل سیاسی خطرات میں اضافہ کردیا ہے۔

تجزیہ کاروں کا کہنا ہے کہ مہنگائی، ایندھن اور روزمرہ ضروریات کی قیمتوں میں اضافے کے باعث عوامی بے چینی میں اضافہ ہوسکتا ہے، جو انتخابی ماحول پر اثر ڈال سکتی ہے۔