مبینہ ریاست مخالف مواد کیس: یوٹیوبر سہراب برکت جوڈیشل ریمانڈ پر جیل منتقل

اسلام آباد: ڈسٹرکٹ اینڈ سیشن کورٹ اسلام آباد میں سوشل میڈیا پر مبینہ ریاست مخالف مواد شیئر کرنے کے مقدمے کی سماعت ہوئی۔ یوٹیوبر سہراب برکت کو دو روزہ جسمانی ریمانڈ مکمل ہونے پر عدالت میں پیش کیا گیا۔

جوڈیشل مجسٹریٹ عباس شاہ نے کیس کی سماعت کے دوران این سی سی آئی اے کی جانب سے سہراب برکت کے مزید 10 روزہ جسمانی ریمانڈ کی استدعا مسترد کر دی۔ عدالت نے ملزم کو جوڈیشل ریمانڈ پر جیل بھیجنے کا حکم دیا۔

سماعت کے دوران جوڈیشل مجسٹریٹ عباس شاہ نے ریمارکس دیے کہ “میں ان کو جوڈیشل کر رہا ہوں”۔

این سی سی آئی اے کے مطابق سہراب برکت کے خلاف سوشل میڈیا پر مبینہ ریاست مخالف مواد شیئر کرنے کے الزام میں مقدمہ درج کر رکھا ہے، جبکہ کیس کی مزید تحقیقات جاری ہیں۔