ایک صوبے کو دہشت گردی سے جوڑنا ناعاقبت اندیشی ہے: علامہ ناصر عباس راجہ

سینیٹ میں قائدِ حزبِ اختلاف علامہ ناصر عباس راجہ نے وزیرِ دفاع خواجہ آصف کے حالیہ بیان پر سخت ردِعمل دیتے ہوئے اسے شدید تنقید کا نشانہ بنایا ہے۔ سپیکر چیمبر آمد کے موقع پر میڈیا نمائندوں سے گفتگو کرتے ہوئے قائدِ حزبِ اختلاف کا کہنا تھا کہ پورے صوبے کو دہشت گردی کے ساتھ جوڑنا ناعاقبت اندیشی اور انتہائی غیر ذمہ دارانہ رویہ ہے، جس کی جتنی بھی مذمت کی جائے کم ہے۔

علامہ ناصر عباس راجہ نے سیاسی تناؤ اور جاری مذاکرات پر بات کرتے ہوئے واضح کیا کہ جب تک تمام معاملات اور حل آئین و قانون کے دائرے کے اندر رہ کر تلاش نہیں کیے جائیں گے، مسائل حل نہیں ہو سکتے۔ انہوں نے زور دیا کہ کوئی بھی ایسا حل یا معاہدہ جو آئینی و قانونی حدود سے باہر ہو، وہ نہ تو دیرپا ثابت ہو سکتا ہے اور نہ ہی ملک کے مفاد میں ہو سکتا ہے، بلکہ اس کے نتائج مزید نقصان دہ ہوں گے۔